Lion писал(а):
Можете как-то довести до создателей письмо такого вот содержания
Բարև Ձեզ: Իմ անունն է Մհեր, Ազգանունս՝ Հակոբյան: Ես 33 տարեկան եմ, ապրում եմ Երևանում:
Ես հեղինակն եմ «Հայ ժողովրդի ռազմական Տարեգիրք» աշխատության, որի մեջ բնականաբար ամենայն մանրամասնությամբ խոսվում է նաև Ավարայրի ճակատամարտի և, ընդհանրապես, չորրորդ-հինգերորդ դարերի Հայ ժողովրդի ռազմական պատմության մասին:
Իմացա, որ նման ֆիլմ եք ստեղծում - պատրաստ եմ ուժերս ներածին չափով ու լիովին անհատույց (անվճար) օժանդակել ֆիլմին ինչով կարող եմ - պատմական մանրամասներ, ռազմական մանրամասներ, ճակատամարտի ընթացք, զորատեսակներ, զինատեսակներ, զենքեր և այլն:
Հույս ունեմ, որ մենք կապ կպահպանենք միմյանց հետ: Եթե պետք լինի, կարող եմ ուղարկել նաև գրքիս համապատասխան մասերի էլեկտրոնային տարբերակները մաիլի միջոցով, այն մասերը որտեղ խոսվում է Ավարայրի և ընդհանրապես, այդ դարերի ռազմական պատմության մասին:
Վարդանանց պատերազմն ու Ավարայրի ճակատամարտը մեր պատմագիտոության կողմից գրեթե միշտ ներկայացվում են կոպիտ սխալներով, իսկ երևույթի զուտ ռազմագիտական վերլուծություն գործնականում չի արվում: Ես, հանդիսանալով “Հայ ժողովրդի ռազմական Տարեգիրք” աշխատության հեղինակը, աշխատություն, որում բնականաբար վերլուծվում է նաև Ավարայրի ճակատամարտը, կուզենայի, եթե դա հնարավոր է ու Ձեր ուժերի սահմաններում է, որ Դուք որևէ կերպ հնարավորություն տայիք ինձ կապ հաստատել պ-ն Կուպելյանի հետ: Ես պատրաստ եմ ցանկացած հասցեով, որը կմատնանշի պ-ն Կուպելյանը, ուղարկել իմ գիրքը Ավարայրի ճակատամարտի ռազմական վերլուծության մասին, պատրաստ եմ ցանկացած ոճի ինֆորմացիա փոխանցել ֆիլմի ռեժիսորին ինտերնետային տարբերակով: Եվ այս ամենը, ուզում եմ հատկապես ընդգծել, բացարձակապես անվճար…
Հուսով եմ ինձ ճիշտ կհասկանաք: Իմ այս ցանկության մեջ որևէ շահամոլական կամ այլ դրդում չկա, ուղղակի… հասկանում եք, նկարահանվում է ֆիլմ մեր պատմությունից, հսկայական միջոցներ են ներդրվում, որ մեր պատմությունը ներկայացվի աշխարհին ու ես շատ, անչափ շատ կուզենայի, որ այդ ֆիլմը լինի իր բարձունքում նաև պատմական ու ռազմա-պատմական տեսակետից: Օրինակ, ես չէի ուզենա, որ ֆիլմում, խեղաթյուրելով իրականությունը, Ավարայրը ներկայացվեր որպես "ռազմական պարտություն": Մենք հաղթել ենք այդ ճակատամարտում, շահել ենք ռազմական իսկական մի հաղթանակ և արժե, որ հսկայական ֆինանսական միջոցներ կլանող այդ ֆիլմը, որը կներկայացնի մեզ աշխարհին, շեշտի նաև այդ փաստը:
Իհարկե, այստեղ ես չէի ուզենա մտնել մանրամասների մեջ, բայց, բնականաբար, պ-ն Կուպելյանի առաջին իսկ պահանջով պատրաստ եմ ֆիզիկական կամ ինտերնետ ճանապարհով նրա տրամադրության տակ դնել նյութեր, որոնք կհիմնավորեն իմ այս պնդումը: Պատրաստ եմ նաև ցանկացած այլ մասնագիտական օժանդակության, կրկնում եմ, բացարձակապես անվճար…
Առայժմ այսքանը, ամենայն հաջողություն Ձեզ այս կարևոր գործում:
Հարգանքներով՝ Մհեր Հակոբյան:
брат у меня с английским полная хана