Администратор |
|
Зарегистрирован: 24 фев 2012, 14:57 Сообщений: 46682 Откуда: Армения, Ереван
|
Հարգելիներս, հերիք է կրկնեք այն անհեթեթությունը, որ ՍՏԱՆ կամ, ավելի ճիշտ, ԱՍՏԱՆ ածանցը (որը իրականում ածանցակերպ բառ է), պարսկերեն է: Ես հասկանում եմ, որ հայոց լեզվի մեր շատ ու շատ մասնագետներ ՍՏԱՆ-ը համարում են ուղղակի գոյականակերտ ածանց, բայց ամբողջ ողբերգությունը նրանումն է, որ հենց այդ մասնագետ կոչվածներն են մեղավոր այս համատարած տգիտության համար:
Սկսեմ նախ այն բանից, որ ՍՏԱՆ-ը ԱՍՏԱՆ-ն է, ուղղակի որոշ դեպքերում առաջին Ա-ն սղվում է: ԱՍՏԱՆ-ի մյուս տարբերակն է ՈՍՏԱՆ-ը /Ա-Ո անցում/, որի իմաստը բոլորդ գիտեք: ԱՍՏԱՆ-ի հիմքում ընկած է բուն հայերեն ԱՍՏ արմատը, ինչու՞ է այն հայերեն այլ ոչ պարսկերեն. որովհետև այն բառերը, որոնք կազմված են այդ արմատից (ԱՍՏառ, առԱՍՏաղ, հԱՍՏատություն, ՀայԱՍՏան, ԲելուջԻՍՏան, ապԱՍՏան, ապԱՍՏարան, հԱՍՏ, ԱՍՏղ, ԻՇՏար /Ա-Ի և Ս-Շ անցումներ/, ԱՍՏարտե, ԱՇՏարակ, ԱՇՏիշատ, հԱՇՏ /նորից Ս-Շ անցում/, փԱՍՏ, լԱՍՏ, ՈՍՏղ /նորից Ա-Ո անցում/, ԱՍՏված, ԻՍՏինա /Ա-Ի անցում/, ՍԱՏանա /հնչյունների տեղափոխություն/, իմԱՍՏ և այլն) ստուգաբանվում են միայն հայերենով ու շատ ավելի հին են քան պարսկերենը ու մյուս իրանական լեզուները: Ամբողջ խնդիրը նրանումն է, որ մեր վայ-լեզվաբանները դեռ նախորդ դարում են մնացել, ու Աճառյանը նրանց համար դեռ անվիճելի հեղինակություն է, ոչ մեկի մտքով չի անցել, որ Աճառյանի կողմից նշված իբր պարսկերենից հայերենին անցած հարյուրավոր բառարմատները իրականում կամ մայր հնդեվրոպական լեզվից (միջնորդավորված ձևով) կամ էլ հենց հայերենից են անցել պարսկերենին: Այդ գիտնական կոչվածներին պիտի ոչ միայն պետությունը աշխատավարձ չտա, այլ դրանց Ակադեմիա կոչված պարազիտանոցը օր առաջ պիտի լուծարվի, որովհետև այդ ձրիակերները ոչ միայն գիտությամբ չեն զբաղվում, այլև արգելափակում են այն մարդկանց ջանքերը, որոնք փորձում են, սեփական նախաձեռնությամբ, ինչ որ բան անել` մեր գիտությունը այդ գարշահոտ ճահճից հանելու համար: Ես դրանց խորհուրդ կտամ, գոնե չալարեն ու ինտերնետում նայեն արևմտյան ամենաառաջադեմ գիտական հաստատությունների մասնագետների կողմից հրապարակված ուսումնասիրությունները հնդեվրոպական մայր լեզվից հնդեվրոպական լեզուների առաջացման ժամանակագրական սխեմաները ու հասկանան, որ մայր հնդեվրոպական լեզվից առաջինը առանձնացել են խեթերենն (~7500 տարի առաջ) ու հայերենը (~7000 տարի առաջ):
Ի դեպ, շատ ուսումնասիրողներ պնդում են, որ խեթերենն ու հին հայերենը նույն լեզուն են, ինչևէ, եթե անգամ նույն լեզուն էլ չլինեն, ապա դա չի նշանակում, որ հայոց լեզվի դերակատարությունը ինչ որ չափով նսեմանում է: Իսկ ահա պարսկերենը, ըստ այդ սխեմաների, ձևավորվել է ընդամենը 3500-ից 3000 տարի առաջ: Միայն մեկ օրինակի վրա կարելի է ապացուցել, որ ԱՍՏ արմատը պարսկերեն չի. շումերեկան "Էն Մե'Էր'Կարն ու Արատտայի գլխավոր քուրմը" էպոսի մեջ, որը մոտավորապես 4700 տարվա հնություն ունի, հիշատակվում է ԱՍՏՎԱԾ բառը, երբ որ միջագետքում գտնվող Ուրուկի արքան Արատտայի գերագույն քրմից պահանջում է Արատտա երկրի գլխավոր տաճարի "աստված"-ին (ի նկատի են ունեցել աստծո արձանը) իր նորակառույց տաճարի մեջ այն զետեղելու համար: Այդ ժամանակներում ոչ պարսիկ կար, ոչ էլ պարսկերեն լեզու, բայց ԱՍՏ արմատից կազմված բառերը վաղուց կային արդեն: Այսքանը ես չեմ գրել, բայց համարեք ամեն բառի տակ ստորագրել եմ. համաձայն եմ ամեն ինչը հայաֆիկացնելը որոշակի ծայրահեղություն է, ԲԱՅՑ հայկականը հայկականությունից զրկելը առավել ևս հակահայրենասիրական է... եկեք ուսումնասիրենք, ոչ թե իրար սխալ հանենք, մեր լեզուն թե մեր ազգը լինի 10 000 թե 7000 թե 3000 տարեկան, դա մեզ հաստատ չի արժեզրկում, իսկ այ իրար հետ անհիմն վիճելը հաստատ արժեզրկում է: Այսքանը:
Мане Харатян
_________________ Приходите в мой дом...
|
|